Wedstriet versjlaag

En daar is het versjlaag al, ingezonde deur:

VVV Bor 3 - Sint Joas 3 3-1 (1-1)

Vandaag sjting de "kraker" Bor - St Joas op ut program. Veur de match woart al gesjproake van ein makkie, dus de 3 punte zouwe in Bor bliefe. Mer ja, det zeije ver auch teage Rooster en die heije doanoa 6 punjt.
De 11 men die ozze Kootsj vandaag ut veldj in sjtuurde.
In de Goal: Tom H. Centraal: Jean H en Dennis R op de backs Jean C en John J.
Middenveld: Berry J, Martin B, Foppe D en veurin Gerben W, Ton B en Johan de R.
Es reserves om plaatsj te neume neave Jan van Z Michael en Tim oet de Ajeugd en Thei L. Es vlaggenis heije ver weer good old Sjeasberg Wim S.
Wie Sjarel D floot veur ut begin woar ut ff zeuek wea welke menke heij, mer doanoa woar ut Bor die ut belke leete rolle. Jean H, Martin B en Berry J woare constant ut vrieje menke.
Noa get losse flodder en lubkes oppe St Joas goal woar ut Ton B (The Mailman veur ingewiede) dae op aangeave van Martin B mit eune leege sjuuver bie de 2e poal veur de 1-0 zurgde.
Veul kansse dwingde ver neet aaf en ut hoogte puntj aan Borse-ziej woar auch det Jean C, ein kegelvariant van jewelste leet zeen. Zien befaamde rushes langs de lien, dreefe jedere keer de flankmen van St Joas tot wanhoop, zie wilde hum dan auch aafsjtoppe, mer wistte neit det 92 kg aan sjpier net zoveul woar als al ut sjteingebergte van de Rocky Mountains. Twee St Joas sjpeelers oppe graasmat mit pien en Jean C der boave op. Dit wirkte weer tot ut befaamde WHAHAHAHA geluid.
Sint Joas koosj doanoa op ein gegeave moment opsjturme via de linker ziej en van eine meter of 22.34 oppe goal sjeete. Woar ut neit de sjouwer van de Veursjtopper dae ut sjeut van richting deet verangere en Tom H kansloos leet. 1-1. Dit woar teevesj de russjtand.
In de rus moosjte Jean H en Martin B wegens verplichtinge elders gewisseld waere. Veur hun in de plaatsj kwoame de "youngsters" Tim en Micheal in ut veldj en respectievelik rechtsboete en lenkshauf. Vanaaf ut fluitje begoosj St Joas metein weer te drukke en Bor kreeg de bal mer neit weg, egte kansse leverde dit neit op.
De Veursjtopper maakte mer weer ens ein euvertreding om de menkes wakker te maake en ze op sjerp te zette, dit leverde hum ein vermaning zonger gevolge op van de sjeids en St Joas kreeg eine vrieje trap ter heugte van ut middeveld. Deeze sjleg genoame vrieje trap, kwoam bie ozze Friese vlag, Foppe D tereg en dae sjturmde vanaaf de lenkerzeij zo op noa de goal. Met zien haviksuig zoag hae det de keep 0.135 mm veur de lien sjting en mit eine dreuge pegel, ongerkantj lat teikende hae veur de 2-1. Wedsjtriet gelaupe. Bor naegelde alle linies toe en St Joas kwoam neit meer aan balle toe. Noa ein opruuming van achteroet koos Thei L oppe counter de keeper omsjpeele en de 3-1 aanteikene.
Al mit al woar dit volgesj de kootsj, eine dramatische en belabberde match dae sjnel vergeate moss weare.

Woar Geteikend

De Veursjtopper